8 C
Grindavik
15. apríl, 2021

Tundurskeyti eytt úti fyrir Sandgerði – Sjáðu myndband

Skyldulesning

Séraðgerða- og sprengjueyðingarsveit Landhelgisgæslunnar, með aðstoð áhafnarinnar á varðskipinu Tý, eyddi sprengjuhleðslu úr þýsku tundurskeyti frá seinni heimsstyrjöld úti fyrir Sandgerði laust fyrir klukkan tvö í dag.

Þetta kemur fram í tilkynningu frá Landhelgisgæslunni.

Tundurskeytið kom kom í veiðarfæri togara sem var að veiðum úti fyrir Garðskaga síðdegis í gær en rúmlega 300 kíló af virku dýnamíti voru í hleðslunni.

Áhöfn togarans er sögðu hafa brugðist hárrétt við með því að gera  Landhelgisgæslunni viðvart. Sendir voru sprengjusérfræðingar um borð í skipið í Sandgerðishöfn í gær. Tundurskeytið var híft frá togaranum og dregið hálfan annan kílómetra frá höfninni þar sem því var sökkt á 10 metra dýpi. Í dag vann séraðgerðasveitin og áhöfnin á Tý að undirbúningi eyðingarinnar sem var kraftmikil. Tilkomumikill strókur stóð 30 metra upp í loft eftir að skeytið var sprengt.

Að sögn Landhelgisgæslunnar er þetta eitt öflugasta tundurskeyti sem komið hefur í veiðarfæri íslensks fiskiskips hin síðari ár. Aðgerðin gekk afar vel en ekki þarf að fjölyrða um hættuna sem getur skapast af tundurskeyti sem þessu sem komið er til ára sinna.

Myndband af sprengingunni má sjá í spilaranum hér fyrir neðan.

Innlendar Fréttir