7.3 C
Grindavik
24. október, 2021

Tyson reykti gras fyrir bardagann um helgina

Skyldulesning

Sport

Mike Tyson sneri aftur í hringinn um helgina.
Mike Tyson sneri aftur í hringinn um helgina.
getty/Joe Scarnici

Mike Tyson segir að hann hafi reykt gras fyrir bardagann gegn Roy Jones yngri um helgina.

Tyson, sem er 54 ára, sneri aftur í hringinn á laugardaginn eftir fimmtán ára bið. Tyson og Jones skildu jafnir í æfingabardaga í Staples Center í Los Angeles.

Eftir bardagann greindi Tyson frá því að hann hefði reykt gras áður en hann steig inn í hringinn. Og líka eftir að bardaganum lauk, áður en hann ræddi við fjölmiðla.

„Sjáðu til, ég get ekki hætt að reykja. Ég verð að reykja. Ég reyki á hverjum degi og hef aldrei hætt því,“ sagði Tyson.

Venjulega komast boxarar ekki upp með að reykja gras fyrir bardagann en þar sem bardaginn á laugardaginn var eins konar æfingabardagi og kannabis ekki á bannlista slapp Tyson.

Hann hefur lýst yfir áhuga að keppa aftur, m.a. gegn bestu þungavigtarboxurum heims eins og Tyson Fury, Anthony Joshua og Deontay Wilder.

Klippa: Tyson sneri aftur í hringinn

spot_img
spot_img
spot_img

Innlendar Fréttir