2.3 C
Grindavik
29. janúar, 2023

Undankeppni EM U-21: Ísland gerði jafntefli gegn sterku liði Portúgal

Skyldulesning

U-21 árs lið Portúgal tók á móti U-21 árs liði Íslendinga í undankeppni EM í kvöld. Leiknum lauk með 1-1 jafntefli.

Portúgalar voru sterkara liðið og stjórnuðu leiknum eins og búist var við. Íslendingar voru þó sprækir og kom Brynjólfur Andersen Willumsson Íslendingum yfir á 17. mínútu eftir frábæran undirbúning frá Valgeiri Lundal.

Portúgalar sóttu stíft eftir markið en Íslendingar vörðust vel. Goncalo Ramos jafnaði svo metin á 34. mínútu og þannig stóðu leikar þegar flautað var til hálfleiks.

Portúgalar héldu sóknarleiknum áfram í seinni hálfleik og náðu Íslendingar lítið að ógna fram á við. Íslendingar voru þó seigir í vörninni og héldu Portúgölum frá því að komast yfir.

1-1 jafntefli niðurstaðan í kvöld sem verður að teljast frábært fyrir íslenska liðið á móti virkilega sterkum Portúgölum.

Portúgal 1 – 1 Ísland

0-1 Brynjólfur Willumsson (´17)

1-1 Goncalo Ramos (´34)

spot_img
spot_img
spot_img

Innlendar Fréttir