4 C
Grindavik
18. apríl, 2021

Undanþágubeiðni KSÍ einnig samþykkt

Skyldulesning

Knattspyrnusamband Íslands fékk undanþágubeiðni samþykkta svo lið í næstefstu deild, Lengjudeildinni, mega hefja æfingar.

KSÍ, HSÍ og KKÍ hafa þar með öll fengið undanþágu fyrir lið í næstuefstu deild. Lið mega því hefja æfingar að nýju ef farið er eftir ströngum skilyrðum heilbrigðisráðuneytisins.

Í gær, miðvikudag 9. desember sendi KSÍ inn undanþágubeiðni til heilbrigðisyfirvalda og ÍSÍ. Þar óskaði sambandið eftir því að félög með lið í næst efstudeild – Lengjudeildinni – yrði heimilað að æfa með sama hætti og félögum í efstu deild, Pepsi Max-deildinni, á grundvelli 6. mgr. 5. gr. reglugerðar heilbrigðisráðherra um takmörkun á samkomum vegna farsóttar.“

Beiðni KSÍ um undanþágu til æfinga fyrir lið í Lengjueildum karla og kvenna hefur verið samþykkt af heilbrigðisráðuneytinu. https://t.co/982jU6XAnB

— Knattspyrnusambandið (@footballiceland) December 10, 2020

„Þá er átt við að liðum í næst efstu deildum karla og kvenna í knattspyrnu verði heimilað að æfa með og án snertinga og miðað sé við 25 manna hámarksfjölda. Í undanþágubeiðninni var vísað er til undanþáguheimildar í 3. mgr. 8. gr. í reglugerðinni,“ segir í tilkynningu KSÍ.

„KSÍ hefur borist erindi frá Heilbrigðisráðuneytinu þar sem umsókn KSÍ um undanþáguna er samþykkt. Undanþágan nær til meistaraflokksliðs félags í viðkomandi deild. Ítrekað er í samþykktinni að lið sem undanþágan nær til skuli gæta sérstaklega vel að öllum sóttvörnum,“ segir að endingu í tilkynningu sambandsins.

Innlendar Fréttir