6.3 C
Grindavik
26. september, 2021

Upplýsingaóreiðan á COVID-tímum

Skyldulesning

24.11.2020
9:55

Hvar þetta
fellur í skilgreiningu á upplýsingaóreiðu skal ósagt látið. Eitt er víst, ásetningur
borgarstjórans í Reykjavík var skýr.

Margt rekur á fjörur þeirra sem lesa fréttir
af heimsfaraldrinum eða í tilefni hans með upplýsingaóreiðu í huga Má þar til dæmis nefna „heimsfréttina“ um að auðkýfingurinn
Michael Bloomberg, fyrrv. borgarstjóri í New York, hefði rætt við Dag B. Eggertsson,
borgarstjóra í Reykjavík, um gæfu Reykvíkinga að eiga lækni í stól borgarstjóra
á tíma faraldursins enda hefði honum tekist frábærlega að bægja veirunni frá
Reykvíkingum. Dagur B. tók hrósinu af alkunnu lítillæti. Hvar þetta
fellur í skilgreiningu á upplýsingaóreiðu skal ósagt látið. Eitt er víst, ásetningur
borgarstjórans í Reykjavík var skýr.

Fréttastofa ríkisútvarpsins flutti frétt laugardaginn
21. nóvember um að Landspítalinn stæði að óbreyttu frammi fyrir 4,3 milljarða
hagræðingarkröfu á næsta ári að og hefði óskað eftir að fá að vinna hallann upp
á þremur árum. Jafnvel þannig væri ljóst að þjónusta við sjúklinga ætti eftir
að skerðast. Ólafur Darri Andrason, framkvæmdastjóri fjármálasviðs spítalans, sagði
að hagræðingarkrafan drægi úr slagkrafti spítalans í því að takast á við
krefjandi verkefni. Sunnudaginn 22. nóvember hljóp Logi Einarsson, formaður Samfylkingarinnar,
á þessa frétt í færslu á Facebook og sagði meðal annars: „Það er
hættulegt að leggja stífar aðhalds- og hagræðingarkröfur á heilbrigðisþjónustu
í miðjum heimsfaraldri og þessu þarf Alþingi að breyta.“

Á vefsíðu ruv.is eru fréttir ríkisútvarpsins
um þetta flokkaðar sem COVID-19-fréttir og ættu því að koma til athugunar hjá
þeim sem skoða upplýsingaóreiðu vegna faraldursins, það er „miðlun rangra eða
misvísandi upplýsinga, t.d. með fölsunum eða með því að höfða markvisst til
tilfinninga … [til að] ala á sundrungu eða laska orðspor keppinauta.“ eins og
segir í skýrslu hóps þjóðaröryggisráðs.

Screenshot-2020-11-24-at-08.57.51Logi Einarsson notar frétt ríkisútvarpsins til
að varpa skugga á fréttir föstudagsins 20. nóvember um aðgerðir ríkisstjórnarinnar
til að létta enn frekar undir með einstaklingum, heimilum og fyrirtækjum með fjárstuðningi
vegna faraldursins.

Að kvöldi mánudags 23. nóvember var kallað á
Drífu Snædal, forseta ASÍ, í Kastljós til að gera ýmislegt í aðgerðum ríkisstjórnarinnar
tortryggilegt. Fréttinni í COVID-19-dálkinum á ruv.is um þetta samtal
við Drífu lýkur á þessum orðum:

„Hún [Drífa] sagðist hafa áhyggjur af
sparnaðarkröfu á opinberar stofnanir og nefndi Landspítala og RÚV sem dæmi.“

Þarna er gefið til kynna að sjálft ríkisútvarpið
sé líka komið undir niðurskurðarhníf ríkisstjórnarinnar.

Í Fréttablaðinu þriðjudaginn 24. nóvember
birtist svo forsíðuviðtal við framsóknarmanninn Willum Þór Þórsson, formann fjárlaganefndar
alþingis. Þar segir:

„Formaður fjárlaganefndar segir aðhaldskröfu á
Landspítala 0,5 prósent en ekki 4,3 milljarða eins og komið hafi fram hjá RÚV.
Fjármagn til spítalans hafi verið aukið verulega en úrlausnarefnið sé flókið.“

Hvað gerir fréttastofan núna? Ræðir við Ágúst Ólaf
Ágústsson, fulltrúa Samfylkingarinnar í fjárlaganefnd? Eða samfylkingarþingmanninn
Helgu Völu Helgadóttur, formann velferðarnefndar alþingis? Varla talar hún við Willum
Þór?

spot_img
spot_img
spot_img

Innlendar Fréttir