7.4 C
Grindavik
15. júní, 2021

Val­geir þvær fötin í bað­karinu og stefnir á aðal­liðið

Skyldulesning

Hinn 18 ára gamli Valgeir Valgeirsson hefur æft með aðalliði Brentford nýverið en hann er á láni hjá félaginu frá HK. Valgeir býr á hóteli og hefur þurft að þvo föt sín í baðkarinu þar sem hann hefur ekki aðgang að þvottavél.

Þetta er meðal þess sem kom fram í ítarlegu viðtali við Valgeir á Fréttablaðinu á dögunum.

Fyrr á þessu ári fór Valgeir á láni til Brentford sem leikur í ensku B-deildinni. Var liðið hársbreidd frá því að komast upp í ensku úrvalsdeildina á síðustu leiktíð en beið lægri hlut gegn Fulham í úrslitum umspilsins fræga.

Valgeir var hins vegar fenginn á lán til að æfa og spila með varaliði Brentford. Ef það gengi vel myndi félagið svo festa kaup á honum. Það virðist ganga ágætlega þar sem Valgeir hefur æft með aðalliði félagsins undanfarið.

Valgeir Valgeirsson hefur verið lánaður til B liðs Brentford sem leikur í næst efstu deild á Englandi.

Lánið gildir til maí 2021 og hefur Brentford kauprétt á Valgeiri á þeim tímapunkti.

HK óskar honum til hamingju með þetta næsta skref á ferlinum.

Gangi þér vel @valgeir29 ! pic.twitter.com/vmnE5RCaJX

— HK (@HK_Kopavogur) October 5, 2020

„Síðan ég kom hingað hafa þrír leikmenn úr varaliðinu fengið tækifæri með aðalliðinu og þeirra var bara búinn að vera hér í tvo mánuði þegar hann fékk tækifærið,“ sagði Valgeir meðal annars í viðtalnu. Hann bætti því við að liðinu hefði gengið vel og hefði til að mynda unnið U23 ára lið Arsenal og Leicester City.

Tók sinn tíma að venjast Englandi

„Hef aldrei þurft að hlaupa jafn mikið á æfingum og í leikjum. Liðið vill halda boltanum, stýra leikjum og hápressa allan leikinn. Það er enginn afsláttur gefinn og þú færð að heyra það ef þú ert ekki að hreyfa þig án bolta í sóknarleiknum og ert ekki með að hápressa í varnarleiknum,“ sagði Valgeir um leikstíl Brentford.

Liðið spilar sókndjarft 3-4-3 leikkerfi þar sem Valgeir er annars vegar að spila sem hægir vængbakvörður eða hægri vængmaður.

„Hef skorað fjögur mörk í níu leikjum. Hef alltaf komið mér í góða stöður í leikjunum. Nú er bara að halda áfram að standa mig í æfingum og leikjum.“

A superb first half by #BrentfordFC B as they go 6-0 up against Hendon who beat them a month ago. So many good performances but our man of the half is Valgeir Valgeirsson, (so good they named him twice) pic.twitter.com/BgoQ9Oe8Vo

— Bees United (@BeesUnited) October 20, 2020

Varðandi framhaldið

„Setti mér það markmið að ná að æfa með aðalliðinu áður en þessu ári lýkur og ég æfði með aðalliðinu um daginn þannig það tókst. Næsta langtímamarkmið er að komast í hópinn hjá aðalliðinu fyrir næsta keppnistímabil. Annars tek ég bara eina æfingu og einn leik fyrir í einu.“

Engin þvottavél til staðar á hótelinu

Vegna kórónufaraldursins hefur ekki gengið að koma Valgeiri fyrir hjá fósturfjölskyldu eins og þekkist meðal ungra leikmanna í Bretlandi. Hann býr því einn á hóteli þar sem hann hefur ekki aðgang að þvottavél.

„Hef þurft að þvo af mér með þvottaefni í baðinu á hótelherberginu. Maður þarf bara að redda sér,“ segir Valgeir um vesenið sem fylgir því að vera án þvottavélar.

Valgeir segist þó spenntur fyrir framhaldinu og sér líði almennt vel í Brentford. Hann er hrifinn af félaginu og vonast til þess að félagið komist upp í úrvalsdeildina næsta vor.


Championship-deildin er á Stöð 2 Sport en upplýsingar um útsendingar má finna hér. EFL Championship er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

spot_img
spot_img
spot_img

Innlendar Fréttir