Það er útlit fyrir að Charlie Patino yfirgefi Arsenal í sumar. Þetta segir The Athletic.
Patino er 19 ára gamall og er mikið efni.
Þessa stundina er miðjumaðurinn á láni hjá Blackpool í ensku B-deildinni, þangað sem hann fór í leit að meiri spiltíma.
Patino á að baki tvo leiki fyrir aðallið Arsenal og fyrir ekki svo löngu var umræðan á þann veg að hann væri framtíðarmaður í liðinu.
Svo virðist hins vegar ekki vera. Patino vill ekki fara aftur burt á láni og ljóst er að hann mun ekki brjóta sér leið inn í byrjunarlið Arsenal strax.
Það er því útlit fyrir að leikmaðurinn verði seldur í sumar.
Patino er samningsbundinn Arsenal í rúm tvö ár til viðbótar, þar til um sumarið 2025.
Enski boltinn á 433 er í boði
