8 C
Grindavik
15. apríl, 2021

Varað við sjávarhæð og hvassviðri um helgina

Skyldulesning

Faxaflóahafnir biður um að landfestar skipa séu tryggðar enda er gert ráð fyrir töluverðri ölduhæð og hvassviðri.

mbl.is/Árni Sæberg

Faxaflóahafnir hvetur fyrirtæki til að tryggja öryggi á bryggjum og huga að landfestum skipa, en búist er við hvassri suðvestanátt á laugardag og sunnudag.

Í tilkynningu á vef Faxaflóahafna er vakin athygli á því að á laugardag er fullt tungl og því stórstreymt. Þá gera útreiknuð sjávarföll ráð fyrir sjávarhæð um 4,4 metrum á stórstreymi og megi því búast við enn meiri sjávarhæð vegna ölduáhlaðanda.

„Faxaflóahafnir hvetja fyrirtæki á hafnarsvæðinu að taka mið af þessum aðstæðum því sjór getur skvesst yfir varnarvirki. Vinsamlegast tryggið öryggi á bryggjum og hugið að landfestum skipa,“ segir í tilkynningunni.

Innlendar Fréttir