Varaði félagið við áður en þeir keyptu hann í janúar – ,,Þurfa að vera mjög, mjög þolinmóðir“ – DV

0
136

Serhiy Palkin, stjórnarformaður Shakhtar Donetsk, bjóst við því að Mykhailo Mudryk myndi þurfa tíma hjá enska stórliðinu Chelsea.

Mudryk gekk í raðir Chelsea frá Shakhtar í janúar og kostaði 88 milljónir punda en hann er aðeins 22 ára gamall.

Margir bjuggust við að Mudryk myndi um leið taka yfir ensku deildina en hann hefur farið nokkuð hægt af stað og á eftir að skora mark.

Palkin varaði eigendur Chelsea við því og sagði að strákurinn þyrfti tíma til að aðlagast allt öðruvísi deild en í Úkraínu.

,,Ég sagði Chelsea að þeir væru að fá demant en að þeir þyrftu að vera mjög, mjög þolinmæðir,“ sagði Palkin.

,,Ég bað þá um að gefa stráknum smá tíma og hann mun sýna hvað í sér býr. Ég veit 100 prósent að hann mun hjálpa félaginu að vinna titla í framtíðinni.“

,,Þetta er mjög sérstakur strákur, hann er mjög sérstakur með ótrúlega tæknilega eiginleika.“

Enski boltinn á 433 er í boði