Varar við þessari aðferð við að þíða mat – DV

0
164

Flestir hafa eflaust einhvern tímann tekið mat úr frystinum til að nota í kvöldmatinn. Þetta getur verið foreldaður matur, matur sem var keyptur frosinn eða ferskvara sem var fryst af kaupandanum. Sumt af þessu þarf að þíða áður en hægt er að borða það. Susanne Ekstedt, hjá SP Tekniske Resarchinstitut í Gautaborg í Svíþjóð, er nokkuð viss um að á mörgum heimilum viti fólk ekki hvernig er best að þíða mat.

Hún segist fullviss um að þessi vitneskja sé til staðar hjá matvælafyrirtækjum en ekki á heimilum.

Þegar þíða á að kjöt, fisk og grænmeti að setja matinn í plast og loka því vel utan um matinn. Síðan á að þíða matinn í köldu vatni beint úr krananum. Eksted segir að ef þessi aðferð sé notuð bragðist maturinn betur og auk þess sé þetta fljótasta og hollasta aðferðin til að þíða matinn. Avisen.dk skýrir frá þessu.

Þegar þíða á mat er mikilvægt að forðast ískristala því þeir geta valdið tjóni á matarfrumunum og þannig breytt bragði matarins.

Ef maður er seint á ferðinni með að þíða matinn þá á alls ekki að nota heitt vatn í staðinn fyrir kalt. Heitt vatn getur innihaldið skaðlegar bakteríur.