7.3 C
Grindavik
24. október, 2021

Veitti VA tækjakost til kennslu að gjöf

Skyldulesning

Hafliði Hinriksson og Arnar Guðmundsson hjá Verkmenntaskóla Austurlands voru ánægðir með kennslubúnað í kælitækni sem Síldarvinnslan gaf skólanum.

Ljósmynd/Síldarvinnslan/Smári Geirsson

„Skólinn er afar þakklátur fyrir þá velvild sem hann nýtur,“ segja þeir Hafliði Hinriksson, deildarstjóri rafdeildar Verkmenntaskóla Austurlands, og Arnar Guðmundsson deildarstjóri málmdeildar um þann stuðning sem fyrirtæki hafa veitt skólanum í gegnum tíðina.

Fram kemur á vef Síldarvinnslunnar að fyrirtækið hafi veitt skólanum lekaleitartæki, vigt fyrir kælimiðla, vakúmdælu, tæmingardælu og mælibretti að gjöf og er búnaðurinn ætlaður til kennslu í kælitækni. „Víst er að þeir 20 nemendur sem nú strax fá að njóta nýju tækjanna munu fá betri undirbúning en ella fyrir sín framtíðarstörf,“ segja þeir Hafliði og Arnar.

Nemandi leitar að leka í kælikerfi.

Ljósmynd/Hafliði Hinriksson

Telja þeir tækin nýtast afar vel til kennslu á vélstjórnarbraut og vélvirkjabraut. Þá sé þekking á sviði kælitækni sífellt að verða mikilvægari og því afar brýnt að skólinn geti þjálfað nemendur í notkun þess búnaðar sem almennt er nýttur á því sviði.

Hafliði og Arnar kveðjast afar þakklátir fyrir hönd skólans og segja þann stuðning sem fyrirtækið veiti skólanum til tækjakaupa ómetanlegan.

spot_img
spot_img
spot_img

Innlendar Fréttir