4 C
Grindavik
6. maí, 2021

Verðtryggingin á undanhaldi

Skyldulesning

Í fyrsta sinn í sögunni er vægi óverðtryggðra húsnæðislána orði meira en vægi verðtryggðra lána hjá bönkunum. Frá áramótum hafa lán með breytilegum vöxtum aukist um 270 milljarða og er hlutfall þeirra af íbúðalánasafni um 52 prósent en í ársbyrjun 2019 var hlutfallið 32 prósent.

Markaður Fréttablaðsins skýrir frá þessu í dag. „Stór tíðindi fyrir íslenskan lánamarkað,“ sagði Valdimar Ármann, sérfræðingur hjá Arctica Finance, sem og að þetta sé mjög jákvætt fyrir peningastefnu Seðlabankans.

Haft er eftir honum að hann telji að þessi þróun muni halda áfram og vægi verðtryggðra lána muni minnka. „Með vaxtalækkunum núna eru ráðstöfunartekjur heimila að aukast þegar skórinn kreppir að, og þegar kemur að því að framleiðsluslakinn fer úr hagkerfinu og Seðlabankinn þarf að fara að beita vaxtahækkunum aftur munu þær bíta fastar á heimilin en áður,“ sagði Valdimar.

Jón Bjarki Bentsson, aðalhagfræðingur Íslandsbanka, sagði að aukið vægi óverðtryggðra lána, sérstaklega með breytilegum vöxtum, hafi gert peningastefnuna mun virkari. „Líklegt er að íbúðamarkaður hefði gefið meira eftir og einkaneysla ekki tekið eins við sér í sumar ef þorri heimila væri enn á fastvaxta verðtryggðum lánum, svo dæmi sé tekið,“ sagði hann.

spot_img
spot_img
spot_img

Innlendar Fréttir