2.3 C
Grindavik
29. janúar, 2023

Vetrarfæri eftir nóttina

Skyldulesning

Vetur konungur minnir á sig.

Vetur konungur minnir á sig. mbl.is/Gunnlaugur

Vetrarfæri er víða um land eftir nóttina, þar sem víða snjóaði. Enn snjóar á höfuðborgarsvæðinu og þar eru hálkublettir mjög víða.

Á Suðvesturlandi er hálka á flestum leiðum en snjóþekja á Hellisheiði. Holur hafa myndast víða í vegum og vegfarendur því beðnir um að sýna aðgát.

Ófært er á Steingrímsfjarðarheiði og Þröskuldum og snjóþekja eða hálka mjög víða á öðrum leiðum á Vestfjörðum. Ófært er norður í Árneshrepp.

Á Norðurlandi er hálka á Öxnadalsheiði en annars snjóþekja eða hálkublettir nokkuð víða. Þungfært og skafrenningur er á Siglufjarðarvegi.

Á Austurlandi er snjóþekja á Fjarðarheiði og Fagradal. Hálka eða hálkublettir á öðrum leiðum.

Hálka er á flestum leiðum á Suðurlandi og eitthvað um snjóþekju í morgunsárið.

spot_img
spot_img
spot_img

Innlendar Fréttir