2.3 C
Grindavik
29. janúar, 2023

„Við erum nokkuð vel settir með ýsukvóta“

Skyldulesning

Birgir Þór Sverrisson, skipstjóri á Vestmannaey VE, segir ýsuna trufla veiðar þeirra sem ekki búa svo vel að hafa nægar ýsuheimildir. Ljósmynd/Síldarvinnslan

„Það er bullandi vertíð og hörkufiskirí. Við höfum að undanförnu landað fullfermi upp í þrisvar í viku. Nú erum við að landa og aflinn er mest þorskur og ýsa. Það er mjög mikið af ýsu og það virðist vera gott ástand á henni. Við erum nokkuð vel settir með ýsukvóta en sumir, sem ekki hafa jafn mikinn kvóta, lenda í vandræðum,“ segir Birgir Þór Sverrisson, skipstjóri á Vestmannaey VE, í færslu á vef Síldarvinnslunar um gang veiða, en skipið var að landa í vestmannaeyjum í morgun.

„Að undanförnu höfum við mest verið að fiska í Háfadýpinu og á Landsuðurshrauni og við getum ekki kvartað undan neinu nema veðrinu. Það mætti vera heldur betra veður. Það er alltof mikið um brælur. Núna eftir löndunina stoppum við og förum ekki út á ný fyrr en á fimmtudag,“ segir Birgir Þór.

Landað úr Bergey VE í Vestmannaeyjum í dag. Ljósmynd/Síldarvinnslan/Guðmundur Alfreðsson

Bergey VE kom til hafnar í Vestmannaeyjum í dag og hófst löndun strax og lokið var löndun úr Vestmannaey. Uppistaða afla Bergeyjar var þorskur og ýsa.

„Eins og aðrir kvörtum við undan því að ýsan er allsstaðar. Það er alltof mikið af henni miðað við kvótann. Við höfum að undanförnu fiskað í næsta nágrenni við Eyjar og það hefur gengið vel. Það liggur býsna vel á okkur og menn eru ánægðir með vertíðina hingað til. Þetta lítur bara ágætlega út,“ er haft eftir Jóni Valgeirssyni, skipstjóra á Bergeyju.

spot_img
spot_img
spot_img

Innlendar Fréttir