vida-rafmagnstruflanir-hja-rarik

Víða rafmagnstruflanir hjá Rarik

Víða eru truflanir og rafmagnslaust í kerfum Rarik.

Víða eru truflanir og rafmagnslaust í kerfum Rarik. Kort/Rarik

Rafmagnslaust er á nokkrum stöðum á bæði Suðurlandi og Vesturlandi samkvæmt upplýsingum frá Rarik, en fyrirtækið sér um byggðarlínuna. Tekið er fram að farið sé að bera á eldingum sem geti seinkað viðgerðum.

Fyrst fór að bera á rafmagnstruflunum á Suðurlandi klukkan 3:40 í nótt. Miðað við uppfærða stöðu stuttu fyrir sjö í morgun er rafmagnslaust á eftirfarandi stöðum á Suðurlandi; Merkurbæjum, Holt og Landsveit, Uppsölum frá Selfossi að Brautarholti, Landeyjum frá Hvolsvelli að Gunnarshólma, Vallarkróki frá Hvolsvelli og að lokum Skaftártungu og Álftaveri.

Á Vesturlandi fór að bera á truflunum klukkan 4:40, en eins og staðan er núna er Melasveit ú tog hluti af Kjós við Kiðafell. Þá eru einnig truflanir á sveitalínum í kringum Grundarfjörð.


Posted

in

by

Tags: