6 C
Grindavik
21. apríl, 2021

Viðamikil lögregluaðgerð í Kópavogi í dag vekur spurningar

Skyldulesning

DV hefur undir höndum myndbönd sem sýna umfangsmikla lögregluaðgerð í iðnaðarhúsnæði við Smiðjuveg í Kópavogi seint í dag. Samkvæmt frásögn sjónvarvotts leiddi hópur lögreglumanna tvo menn í járnum upp á aðra hæð í iðnaðarhúsnæði á svæðinu. Sjónarvotturinn var í heimsókn í fyrirtæki á svæðinu og segist hún hafa farið af vettvangi um hálftíma eftir að lögreglumenn leiddu mennina tvo inn í húsið. Voru þeir þá enn inni í húsinu. Sjónarvotturinn segir lögregluna hafa verið á fjórum bílum og með hunda.

Myndböndin sem DV hefur undir höndum frá atvikinu sýna mennina leidda inn í húsið. Myndböndin eru tvö, hvort um sig nokkrar sekúndur.

DV hafði samband við Margeir Sveinsson, aðstoðaryfirlögregluþjón sem stýrir rannsókninni á Rauðagerðismálinu. DV lýsti atvikinu fyrir honum en Margeir sagðist ekkert kannast við málið. Aðspurður hvort morðvopn í málinu væri fundið sagðist hann ekki svara þeirri spurningu.

Varðandi frekari upplýsingar um málið vísaði Margeir á Ásgeir Þór Ásgeirsson, yfirlögregluþjón hjá Almennri löggæslu, umferðardeild og aðgerða- og skipulagsdeild. Ekki náðist í Ásgeir þrátt fyrir ítrekaðar tilraunir.

DV hefur því ekki getað fengið neinar vísbendingar eða upplýsingar frá lögreglu viðvíkjandi því hvort birting myndbandanna gæti skaðað rannsókn Rauðagerðismálsins. Er beðið með birtingu þeirra þar til frekari upplýsingar liggja fyrir.

spot_img
spot_img
spot_img

Innlendar Fréttir