2.3 C
Grindavik
29. janúar, 2023

Vilhjálmur prins og Katrín sögð vilja flytja til Windsor til að vera nær drottningunni

Skyldulesning

Vilhjálmur prins og Katrín hertogaynja, eiginkona hans, eru sögð íhuga að flytja til Windsor í sumar til að geta verið nær Elísabetu II drottningu, ömmu Vilhjálms, sem hefur glímt við heilsufarsvandamál að undanförnu.

The Sun skýrir frá þessu. Bent er á að drottningin, sem er 95 ára, glími við ýmis heilsufarsvandamál og hafi gert síðan á síðasta ári. Það virðist hafa ýtt undir áhuga Vilhjálms og Katrínar á að flytja nær henni en drottningin er flutt til Windsor.

Hjónin eru sögð hafa verið að skoða nokkrar eignir nærri Windsor að undanförnu. Þar á meðal er húsnæði sem Andrés prins, næstyngsti sonur Elísabetar, hefur til umráða en hann er ekki sagður á þeim buxunum að láta það eftir.

The Sun segir að hjónin vilji ekki búa í Windsor Castle eða Fort Belvedere en þar bjuggu Edward VIII og Wallis Simpson á sínum tíma.

Orðrómur hefur verið uppi um að hjónin íhugi að flytja í Frogmore House en þangað fara þau oft með börnin sín þrjú um helgar.

Auk þess að leita að hentugu húsnæði eru hjónin sögð hafa skoðað skóla á svæðinu.

spot_img
spot_img
spot_img

Innlendar Fréttir