10.3 C
Grindavik
16. september, 2021

Vilja að fólk í mikilli yfirþyngd njóti forgangs við bólusetningar gegn kórónuveirunni

Skyldulesning

Það að vera í yfirþyngd hefur í för með sér að fólk er líklegra en ella til að smitast og veikjast illa af kórónuveirunni sem veldur COVID-19. Af þessum sökum telja norsk heilbrigðisyfirvöld að fólk í mikilli yfirþyngd eigi að vera meðal þeirra fyrstu sem fá bóluefni gegn kórónuveirunni.

NRK skýrir frá þessu. Ljóst er að ekki verður nægilega mikið af bóluefni fyrir alla norsku þjóðina í upphafi og því þarf að forgangsraða hverjir fá bóluefni fyrst og telja heilbrigðisyfirvöld rétt að fólk í mikilli yfirþyngd verði meðal þeirra fyrstu til að fá bólusetningu.

Norska landlæknisembættið hefur rannsakað hvaða sjúkdómar auka hættuna á alvarlegum veikindum í tengslum við COVID-19. „Alvarleg offita með BMI upp á 35 eða meira eykur hættuna. Það á til dæmis við um fullorðinn einstakling sem er 175 sm og vegur 110 kg eða meira,“ er haft eftir Preben Aavitsland, yfirlækni hjá landlæknisembættinu.

spot_img
spot_img
spot_img

Innlendar Fréttir