2.3 C
Grindavik
27. janúar, 2023

Vilja borga honum meira en 25 milljarða fyrir að skrifa undir til skamms tíma

Skyldulesning

Paris Saint-Germain er til í að borga Kylian Mbappe, sóknarmanni félagsins, 150 milljónir punda (rúma 25 milljarða íslenskra króna) fyrir að skrifa undir nýjan samning til tveggja ára. Þetta hefur BBC eftir knattspyrnusérfræðingnum Guillem Balague.

Samningur hins 23 ára gamla Mbappe rennur út í sumar. Hann hefur verið sterklega orðaður við Real Madrid. Meira að segja telja einhverjir að hann hafi þegar komist að samkomulagi um kaup og kjör í spænsku höfuðborginni.

Hjá PSG vilja menn hins vegar ólmir halda honum og ofan á upphæðina sem nefnd var ofar vill félagið borga honum 21 milljón punda á ári.

Mbappe hefur verið stórkostlegur fyrir PSG frá komu sinni árið 2017. Leikmaðurinn hefur skorað 160 mörk og lagt upp 81 í 209 leikjum.

spot_img
spot_img
spot_img

Innlendar Fréttir