4 C
Grindavik
21. apríl, 2021

Vilja ná heildarmynd af göngunni

Skyldulesning

Grænlenska skipið Ilvid hefur legið við bryggju í Reykjavíksíðustu vikur, en heldur um helgina til loðnuleitar fyrir norðan land.

mbl.is/Kristinn Magnússon

Unnið var að því á Hafrannsóknastofnun í gær að skipuleggja loðnuleiðangur fjögurra veiðiskipa, en farið verður af stað um helgina og er ráðgert að verða við mælingar í allt að sex daga.

Birkir Bárðarson, leiðangursstjóri, sagði að endanlegt skipulag væri á teikniborðinu með tilliti til skipakosts, veðurs, hafíss og dreifingar loðnunnar samkvæmt upplýsingum úr yfirferð Polar Amaroq úti fyrir Norðurlandi í síðustu viku. Þrír starfsmenn Hafró verða um borð í hverju skipi og manna þeir bergmálsvakt og sýnavinnslu, að því er fram kemur í umfjöllun um loðnuleitina í  Morgunblaðinu í dag.

Birkir segir að með fjórum skipum sé vonast til að góð heildarmynd náist af göngum loðnunnar fyrir Norðurlandi og því magni sem er á ferðinni. Hann segir að leiðangurinn nú sé sambærilegur við hefðbundinn leiðangur í janúar og febrúar og reynt verði að ná utan um svæðið á sem stystum tíma. Hugsanlega verði byrjað að leita og mæla á báðum endum, þ.e. úti fyrir Vestfjörðum og norður af Langanesi, en hvert skip fær úthlutaðar leiðarlínur.

spot_img
spot_img
spot_img

Innlendar Fréttir