3 C
Grindavik
1. mars, 2021

Vinnsla hófst á ný – á ný – í frystihúsi á Seyðisfirði

Skyldulesning

Starfsfólkið í frystihúsinu á Seyðisfirði var ánægt með að geta mætt til vinnu á ný í gær.

Ljósmynd/Síldarvinnslan/Ómar Bogason

Annað sinn á skömmum tíma var því fagnað að vinnsla í frystihúsinu á Seyðisfirði hafi farið af stað á ný þegar starfsmenn mættu til vinnu í gær. Það var á fimmtudag í síðustu viku að sem fyrst var fagnað að starfsemi í frystihúsinu væri hafin á ný eftir skriðurnar þar eystra, en hádegi sama dag þurfti að rýma húsnæðið vegna hættuástands, að því er fram kemur í færslu á vef Síldarvinnslunnar.

Í aðdraganda þess að hefja vinnslu á ný var á sunnudag haldinn fundur með starfsfólki frystihússins þar sem rætt var um stöðu mála í kjölfar hamfaranna, segir í færslunni. „Á fundinum voru fulltrúar frá lögreglunni, sveitarfélaginu Múlaþingi, almannavörnum og veðurstofunni auk fulltrúa frá Síldarvinnslunni. Farið var yfir stöðu mála með starfsfólkinu bæði á íslensku og ensku og fólk meðal annars frætt um öll öryggismál.“

„Í málum sem þessum skiptir öllu máli að fólk fái haldgóðar og réttar upplýsingar,“ útskýrir Ómar Bogason, rekstrarstjóri frystihússins, og segir starfsólkið mun rólegra eftir upplýsingafundinn.

Þá segir í færslunni að umræður um ráðstafanir til lengri tíma munu hefjast um leið og nýtt ofanflóðahættumat fyrir Seyðisfjörð verður birt, en gert er ráð fyrir að það verði birt fljótlega.

Innlendar Fréttir