Vinsældir klámstjörnu á Pornhub aldrei meiri en eftir handtöku Trump – DV

0
102

Donald Trump, fyrrverandi forseti Bandaríkjanna, átti líklega ekki besta dag lífs síns í gær þegar hann var handtekinn og mál gegn honum, þar sem hann er sakaður um að hafa falsað bókhaldsgögn til að leyna broti gegn kosningalögum, var þingfest.

Konan í hringiðu stormsins í kringum Trump, klámstjarnan Stormy Daniels, átti hins vegar sinn besta dag á klámsíðunni Pornhub, en talsmenn síðunnar sögðu í samtali við TMZ að þegar Trump var handtekinn hafi átt sér stað sprengja í leit síðunnar á myndböndum með Daniels.

Notendur Pornhub flettu Daniels upp oftar en 650 þúsund sinnum í gær, sem er 32,4 prósentum meira heldur en venjulega.

Líklega hafa margir áhuga á því að sjá hvað forsetinn fyrrverandi sá við klámstjörnuna, en meðal þeirra greiðslna sem hann er sakaður um að hafa falið í bókhaldsgögnum voru einmitt greiddar til Daniels en því er haldið fram að Trump hafi sængað hjá klámstjörnunni og greitt henni fyrir að þegja um það svo það hefði ekki neikvæð áhrif á forsetaframboð hans.

Greiðslan fór fram skömmu fyrir kjördag og halda ákærendur í Manhattan því fram að Trump hafi með þessu leynt upplýsingum sem kjósendur hefði réttilega átt tilkall á að fá til að geta tekið afstöðu til frambjóðenda.

Talsmenn Pornhub sögðu að á sama tíma og Trump ók í dómshúsið í Manhattan í fylgd bílalestar, hafi spenntir klámneytendur verið sexfalt virkari en vanalega á þeim tíma. Eins hafi klámneytendur leitað sérstaklega oft eftir orðinu „fangelsi“ en vanalega.