2 C
Grindavik
17. janúar, 2021

Vottun á síld og kolmunna afturkölluð

Skyldulesning

Síld á færibandi

mbl.is/Albert Kemp

Alþjóðlegu umhverfis staðla samtökin Marine Stewardship Council, tilkynntu um mánaðamótin að vottunarstofur væru að afturkalla MSC vottun á veiðum á norsk-íslenskri síld og kolmunna frá og með 30. desember næstkomandi.

Aðdragandinn hefur verið langur, en ástæðan er að samningar hafa ekki náðst um heildarstjórnun veiða á þessum tegundum og skiptingu í samræmi við ráðgjöf, en afli verið talsvert umfram ráðgjöf síðustu ár. Í fyrra missti makríll MSC-vottun af sömu ástæðum.

Afturköllunin hefur áhrif á vottun síldar á Íslandi, Noregi, Færeyjum, Evrópusambandinu og Bretlandi, en frá og með áramótum verður síðastnefnda landið sjálfstætt strandríki við útgöngu úr ESB. Í frétt á heimasíðu MSC segir að þessar þjóðir hafi landað 6-700 þúsund tonnum árlega eða um 50% af vottaðri síld. Norsk-íslensk síld er að langmestu leyti seld til manneldis víða um Evrópu, en kolmunninn fer að mestu í fiskimjöl, sem einkum er notað í fóður í laxeldisstöðvum.

Sökin stjórnmálamanna

Þegar greint var frá þessari ákvörðun í Morgunblaðinu í lok október kom fram að áhrif á afturköllun vottunar á síld yrðu trúlega mest á mörkuðum í Vestur-Evrópu. Sömu áhyggjur koma fram í norskum miðlum, sem fjölluðu um afturköllunina í gær. Þar er bent á að MSC merkið sé þekkt meðal neytenda í Þýskalandi, mikilvægu markaðslandi fyrir síld frá Noregi. Í Nationen er afturköllunin sögð hafa áhrif fyrir norska sjómenn og fyrirtæki, en sé sök stjórnmálamanna. 

Innlendar Fréttir