7.3 C
Grindavik
21. september, 2021

WHO reiknar með næstum eðlilegum heimi 2021

Skyldulesning

Jólin í ár verða að öllum líkindum ekki eins og fólk á að venjast og vill hafa þau að sögn Alþjóðaheilbrigðismálastofnunarinnar WHO. En stofnunin horfir bjartsýn á næsta ár og segir mjög góðar líkur á að einhvern tímann á árinu 2021 verði ástandið í heiminum nærri því að líkjast því sem það var fyrir heimsfaraldur kórónuveirunnar, ástandið verði sem sagt nokkuð eðlilegt.

Mike Ryan, sem er helsti sérfræðingur stofnunarinnar í viðbrögðum við stórum áföllum og hörmungum, sagði í viðtali við írsku sjónvarpsstöðina RTE í gær að það sé mjög líklegt að lífið komist nokkurn veginn í fyrra horf á næsta ári. „Ég held að það sé mjög, mjög líklegt að við getum snúið aftur til lífshátta eins og við þekkjum þá en við verðum áfram að gæta vel að hreinlæti og félagsforðun,“ sagði hann.

Ummæli hans koma í kjölfar jákvæðra frétta af bóluefnum gegn kórónuveirunni. WHO segir að bóluefni muni samt sem áður ekki verða til þess að hægt sé að útrýma veirunni beint. „Bóluefni er ekki bein ávísun á ekkert COVID-19. Með því að bæta bóluefni við núverandi aðgerðir fáum við marga möguleika til að snúa smitkúrvunni, forðast lokanir og til að ná stjórn á faraldrinum,“ sagði Ryan.

spot_img
spot_img
spot_img

Innlendar Fréttir